الله أكبر يا براكين في صدري تثور
لاخمد واحد تقفّاه واحد من وراه
أحرقت عشب الحشا لا ورود ولا زهور
وطاحت قصور الغلا ونبع قلبي جف ماه
يا وليف الروح خل التعالي والغرور
خاتمة وقتك يسوقك ويجلدك بعصاه
الفرح نوره طفا والامل صابه فتور
أشهد إن مايونس الجمر غير الي وطاه
لعنبو منهو مع الوقت والشده يبور
ينقلع مني وأحصل بديله في الحياه
من خذا راي المهبّل سرا من دون نور
مثل منهو كان مبصر ويبحث عن عماه
ما بقى في السالفة غير سطر من السطور
ياعساه يكون واضح ويعجب من قراه
الوفاء في تالي الوقت نقطة للعبور
ربنا يَخْلُف على كل وافي في وفاه
