من ديوان الشاعر عبد لله باتل الرشيدي

هذه احدى قصائد البحر الميت
الشاعر عبدالله باتل الرشيدي

سر يا قلم مالي على الصبـر طاقـه صبرا تعدى الحد مـا عـاد ينطـاق

اكتـب لمثلـي قصتـه وأشتيـاقـه في خطك الواضح على بيض الاوراق

قصة حزين(ن) صافـي المـر ذاقـه وليا ذكر ما صار له خاطـره ضـاق

باقوبـه الاصحـاب و الوقـت باقـه أصبح ضحيـه بيـن بايـق وبـواق

يمشي وهو ما حس في كسـر ساقـه أمسى على ساقين و أصبح على ساق

وهاذي سوات الوقت شين اصطفاقـه الوقـت لـو يصفيلـك أيــام دراق

أن شان قطـع معـك كـل العلاقـه وأن زان خلا لك مع النـاس عشـاق

ومن شان معه الوقـت قلـوا رفاقـه وراحت حياته كلهـا هـم و أقـلاق

والله خلـق خلـق يحـب اللبـاقـه كما خلق له خلق ما عندهـا أخـلاق

أحـدٍ يعيـش بخيـر وأحـد بنفاقـه و أحـدٍ يعيـق أيـام و أيـام ينعـاق

وأحدٍ معه حكمـه وصبـر ورواقـه سبحـان منهـو للمخاليـق خــلاق

لكـن يامـن معـك عقـل و وثاقـه أبنصحـك كانـك للأمثـال تشـتـاق

لآ تنخـدع بأهـل العلـوم الرقاقـه اللـي سوالفهـم تـوهـق تـوهـاق

صـادق رجـالٍ يعرفـون الصداقـه يقفون صفك يـوم يبسـات الاريـاق

من رغب في فرقاك فأرغب فراقـه جاز ..الذي يجزيك بفـراق بفـراق

وتعلـم التعشيـق قـبـل السـواقـه لآ تحسب أنـك بالدرقسـون سـواق

ورزقك يجيك بدون تحضـر بطاقـه عنـد الله المعبـود تقسـيـم الارزاق

يقولها اللـي جايـر الوقـت عاقـه ولازال فـي غيبوبـة الهـم مافـاق

مـن أنعزاقـه بــادي بأنعـزاقـه واللي يوده صـار شوفـه بالأشفـاق

و لاقال هذا القـول قصـده طفاقـه ما قال هذا غير مـن نـار الأشـواق

يتبع باقي القصائد

صحيح خير مـن العـلاج الوقايـه مير المصيبـه لاوقايـه ولاعـلاج

لاتنصحوني كـل" ابخـص برايـه وقت النصايح فات واليـوم محتـاج

مابالنصايـح فـود عقـب النهايـه عقب النهايه مابها غيـر الاحـراج

وبعض الوسايل ماتوصلـك غايـه والصبر يقضي نوب من قل الافراج

ودرب الضلاله غيـر درب الهدايـه ولكـل مخلـوق" بدنيـاه منـهـاج

ولا كـل رمـاي يجيـد الرمـايـه ولا كـل عـد نـارده مثـل هـداج

والناس بعض الناس مثـل المرايـه يضحك بوجهك وان مشى منك هراج

يبحث خفاك وعنـك ينشـر دعايـه ويجني عليك بصحبته هم وازعـاج

وانا عسى المعبـود يجبـر عزايـه ويشفيك ياجرح" ورى ظامـري لاج

من بعـد ماطًًّّّّّّـول عنـاي وشقايـه وتهت ببحر همي وصارعت الامواج

ويخضر يباس ارضي ويصفي سمايه وتنام عينن مـا اهتنـت بالتمهـلاج

(عيني بعينك)

عيني تسرح يحبيبـي بعينيـك وتنظر بعينيك الشقا والسعـاده

لك نظرتن تسهر عيونن تراعيك ولك مبسمن يخلف حديث الولاده

خدك كما برق" ينوض بحواليك وشعرك كما ليلن كثيف بسواده

ياعيون حر" شابكينـه شبابيـك راعيه فرح بصيدته يوم صاده

ناري جفاك وجنتي لمست ايديك ولولاي اخاف الله عبدك عبـاده

تفديك نورا وبوسي والهام تفديك ومعالي الزايـد وليلـى حمـاده

(قايد الجن)

يتبع...........

موت جدي





حصلت ووصلت فيك من غيرتفكير.....لكن عساها يـوم حصلت تعـدي
ولافيه عنها يوم حصلـت معاذيـر..... ولافيه لو صديـت عنهـا مصـدي
قصه لهـا خطـه وشطـه وتأثيـر.....جميع شي بوقتهـا صـار ضـدي
ابا تحملهـا ولـو هـي مخاسيـر.....لوهد منها الحـال والحيـل هـدي
والنفس منهـا حاشرتهـا حواشيـر.....حاولـت اهديهـا وعيـت تهـدي
ياليت لي جنحـان يـارب واطيـر.....باي طريق(ن)عن غثاهـا يـودي
عن وضعها تعجز قصايد وتعبيـر.....شوي والا انبـاح للنـاس سـدي
جتني بلحظه مابراسـي عياطيـر.....يـاقـو طعنتـهـا ويـاقـو ردي
ان الله احيانـي تهـون المشاويـر.....وان مت من تأثيرها مـوت جـدي
ياشينها لاجتك مـن غيـر تحذيـر.....وانت متعشـي زيـن ولا متغـدي